Home Uncategorized lakhimpur linemen: బదిలీ కావాలంటే నీ భార్యను పంపాలన్న అధికారి.. మనస్తాపంతో ఉద్యోగి ఆత్మహత్య –...

lakhimpur linemen: బదిలీ కావాలంటే నీ భార్యను పంపాలన్న అధికారి.. మనస్తాపంతో ఉద్యోగి ఆత్మహత్య – up line man allegedly asked by junior enginerr to send wife for a night, kills himself

బదిలీ కావాలంటే రాత్రికి నీ భార్యను పంపమని తనపై అధికారి కోరడంతో తీవ్ర మనస్తాపానికి గురైన ఓ ప్రభుత్వ ఉద్యోగి ఆత్మహత్యకు పాల్పడిన విషాదకర ఘటన ఉత్తర్ ప్రదేశ్‌లోని లఖింపూర్‌లో చోటుచేసుకుంది. యూపీ విద్యుత్ శాఖలో లైన్‌మెన్‌గా పనిచేసే గోకుల్ ప్రసాద్ (45) ఆదివారం జూనియర్ ఇంజినీర్ కార్యాలయం వద్ద ఒంటిపై డీజిల్ పోసుకుని నిప్పంటించుకున్నాడు. మంటల్లో తీవ్రంగా గాయపడిన అతడిని ఆస్పత్రికి తరలించగా.. అక్కడ చికిత్స పొందుతూ మృతిచెందినట్టు పోలీసులు తెలిపారు.

ఈ ఘటనపై పోలీసులు కేసు నమోదుచేయగా.. జూనియర్ ఇంజినీర్ నాగేంద్ర కుమార్, క్లర్క్‌ను విధుల నుంచి ఉన్నతాధికారులు సస్పెండ్ చేశారు. గోకుల్ ప్రసాద్ నిప్పంటించుకున్న తర్వాత చిత్రీకరించిన వీడియోలో తాను తీవ్రమైన ఈ నిర్ణయాన్ని తీసుకోడానికి దారితీసిన కారణాన్ని వివరించాడు. జూనియర్ ఇంజనీర్, అతని సహాయకుడు తనను వేధిస్తున్నారని.. దీనిపై పోలీసులను ఆశ్రయించినా సహాయం చేయలేదని ఆరోపించాడు.

మరో వీడియోలో గోకుల్‌ను గత మూడేళ్లుగా నిందితుడు నాగేందర్ చిత్రహింసలకు గురిచేస్తున్నాడని ఆయన భార్య ఆరోపించింది. ‘‘జేఈ వేధింపులతో నా భర్త డిప్రెషన్‌లోకి వెళ్లిపోయి ఆస్పత్రుల చుట్టూ తిరుగుతున్నా కానీ కనిరించి విడిచిపెట్టలేదు.. ఆయనను దూరంగా ఉన్న అలీగంజ్‌కు బదిలీ చేశారు.. రోజూ వెళ్లరావడానికి ఇబ్బంది పడుతున్నారు…దీంతో దగ్గర ప్రాంతానికి బదిలీ చేయమని కోరితే.. ‘మీ భార్యను రాత్రికి పంపు నిన్ను బదిలీ చేస్తాం’ అని అన్నారు’’ అని ఆమె కన్నీటి పర్యంతమయ్యింది.

మాకు ఏ ఒక్కరు సాయం చేయడానికి ముందుకు రాలేదని ఆవేదన వ్యక్తం చేసింది. తన భర్త ఒంటిపై పెట్రోల్ పోసుకుని నిప్పంటించుకుంటే జూనియర్ ఇంజినీర్ చోద్యం చూశాడని వాపోయింది. సీనియర్ పోలీస్ అధికారి సంజీవ్ సుమన్ మాట్లాడుతూ.. ‘లైన్‌మెన్ బదిలీ చేయాలని అడిగితే జూనియర్ ఇంజినీర్ డబ్బులు డిమాండ్ చేయడమే కాదు.. దారుణంగా మాట్లాడారని ఆరోపణలు ఉన్నాయి.. అతడిపై కేసు నమోదుచేశాం.. శాఖాపరంగా జూనియర్ ఇంజినీర్‌ను సస్పెండ్ చేసి విచారణకు ఆదేశించారు.. ఆత్మహత్యకు ప్రేరేపించిన సెక్షన్ల కింద కేసు నమోదయ్యింది’’ అని తెలిపారు.

NO COMMENTS

LEAVE A REPLY

Please enter your comment!
Please enter your name here